Tveir dystir vóru leiktir í vikuskiftinum í Trygd-kappingini.
Leygardagin leiktu Sporðdrekin og Hamar2 í høllini á Argjahamri. Rættuliga serstakt við hesum dystinum var, at Sporðdrekin er farin í holt við eitt ordans ættarliðsskifti. Elddópurin hjá unga liðnum var eintá móti verandi Føroyameistarunum úr Hamar 2. Hamar 2 mangla fyri tíðina nakrar av týdningarmestu leikarunum hjá sær og hetta sæst eisini aftur á úrslitunum. So tað var spenningur undan dystinum og talan gjørdist eisini um ein sera tættan dyst. Úrslitið gjørdist 53-46 til Sporðdrekan. Flestu stigini í dystinum skoraði Fríður Rani Beintuson við 19 stigum.
Seinni dysturin hetta vikuskiftið var sanniliga ein søguligur dystur. Dysturin sunnudagin var fyrsti kurvabóltsdysturin nakrantíð vesturi í Vágum. Heimaliðið Nykur tók móti Hávi úr Klaksvík. Aftur her gjørdist talan um ein sera tættan og spennandi dyst. Endin var tann, at Nykur dróg longra stráðið og vann 84-79. Fólk fara møguliga at minnast hendan dystin fyri tvey sera góð einstakliga avrik. Rainer Latuperisia hjá Hávi skoraði 39 stig. Hetta er sera nógv stig at skora í einum dysti, men Xymon Gas hjá Nyki skoraði heili 43 stig í dystinum.
Nú fer Trygd-kappingin í jólaferiu og farið verður í gongd aftur 16.januar
SSP
